Украина президенти Владимир Зеленскийнинг жундан тикилган курткаси Британиядаги хайрия аукционида 90 минг фунтга сотилди.
Британия пойтахти Лондонда замонавий санъат кўргазмасига қўйилган Tate Modern музейидаги аукционни шахсан бош вазир Жонсоннинг ўзи бошқарган.
Жонсон куртканинг бошланғич нархи 50 минг фунт стерлингдан қимматроққа сотилиши кераклигини айтган.
24-февралдан бери Россия ҳужумига учраган Украинага гуманитар ёрдам кўрсатиш мақсадида ташкил этилган хайрия акциясида жундан тикилган куртка деярли икки баробар қимматга сотилди.