Бошқа мавзуларЯпония ҳукуматининг собиқ бош вазири Синдзо Абэга суиқасд қилингани сабабли инқирозли штаб тузилди. «Киодо» ахборот агентлигининг хабар беришича, штабни бош вазир Фумио Кисида бошқарадиган бўлди, у Ямагата префектурасидаги сайловолди ташвиқотига боғлиқ сафарини бекор қилиб, дарҳол пойтахт Токиога қайтган.
Ҳодиса Нара шаҳрида, Синдзо Абэ оммага нутқ сўзлаётган вақтда содир бўлган. NHK телеканали мухбири воқеа жойидан хабар беришича, аввалига ўқ овозига ўхшаган овоз эшитилган, собиқ бош вазир қонга беланган.
Зудлик билан шифохонага етказилган Абэнинг аҳволи ҳозирда умид қиладиган даражада эмаслигини ёзишмоқда.
Полиция гумонланувчини қўлга олиб, ҳозирда уни сўроқ қилмоқда.
Абэ Нара шаҳрида парламентнинг юқори палатасига сайлов кампанияси доирасида ўзи илгари бошқарган Либерал-демократик партияни қўллаб-қувватлаб сўзлаётган эди. Энди бу партияни ҳозирги бош вазир Фумио Кисида бошқармоқда.
