“Эхо Москвы”нинг журналист ходимаси реанимацияда

“Эхо Москвы”нинг журналист ходимаси Татьяна Фельгенгауэр сунъий кома ҳолатида реанимацияда ётибди. Бу ҳақда радиостанциянинг бош муҳаррири Алексей Венедиктов хабар қилди.

23 октябрь куни “Эхо Москвы”нинг таҳририятига номаълум шахс бостириб кирди ва Фельгенгауэрни бўйнига пичоқ уриб, яралади. Шифокорлар бу аёлнинг ҳолатини оғир деб баҳоламоқда, лекин, уларнинг гапига қараганда, журналистнинг ҳаёти учун хавф йўқ. Кутилганидек, Татьяна Фельгенгауэр эртагача сунъий кома ҳолатида бўлади. Унгача врачлар Татьяна Фельгенгауэрга қандай даволанишни тайинлаш борасида бир қарорга келишлари керак.

Тергов қўмитаси Фельгенгауэрга ҳужумдан кейин, одам ўлдиришга қасд қилиш моддаси бўйича жиноий иш қўзғади. Тасдиқланмаган маълумотларга қараганда, ҳужум қилган шахснинг исми Борис Гриц бўлиб, у 48 ёшда.

Россия журналистлар уюшмасида Фельгенгауэрга қилинган тажовузни “сўз эркинлигига ҳужум” деб айтишди. Европа Кенгашининг бош котиби Турбьорн Ягланд бу тажовузни тўлиқ ва зудлик билан тергов қилишга чақирди. У журналистлар ўз фаолияти билан эркин шуғулланиш имконига эга бўлиши зарурлиги, бунда таҳдидлар ва зўравонлик қурбонига айланиб қолмаслиги шартлигини таъкидлади.

Бўлишинг:

Муҳаррир танлови

Йпх ходими томонидан ҳайдовчини транспорт кабинасидан чиқишини талаб қилиши мумкин бўлган ҳолатлар белгиланди

Ҳукумат қарори билан Йўл-патруль хизмати ходимларининг йўл ҳаракати қатнашчилари билан ўзаро муносабатлари ҳамда махсус мосламалардан фойдаланиш тартиби тўғрисидаги низом ...

Қамчиқ довонида пиёдани бир неча машина босиб кетди

22 октябрь куни тунда Наманган вилояти Поп тумани Қамчиқ довонида номаълум ҳайдовчи уриб юборган пиёдани, сўнгра яна бир неча машина босиб кетган. Бу ҳақда “Соф.Уз” нашри ...