Бошқа мавзуларСамарқанд вилоят ҳокими вазифасини бажарувчи Э.Турдимовнинг жорий йил 22 сентябрда имзоланган қарорига кўра, эндиликда вилоят, туман, шаҳар ҳокимликлари мансабдор шахсларининг ҳокимлик балансида бўлган давлат хизмат автомашиналарини бошқариши таъқиқланади. Бу ҳақда “Зарафшон” нашри маълум қилди.
Ҳокимликлар хизмат автомашиналарини ҳайдовчи ўрнига мансабдор шахсларнинг бошқариши оқибатида турли хил йўл-транспорт ҳодисаларининг содир этилгани, йўл ҳаракати хавфсизлиги қоидаларига риоя қилмаслик ҳолатлари шундай қарор қабул қилинишига сабаб бўлган.
Бундан буён ҳокимлик хизмат автотранспорт воситаларини фақат бириктирилган ҳайдовчилар бошқаради.
Эслатиб ўтамиз, яқинда Қозоғистоннинг Остона шаҳри ҳокимияти амалдорлари ҳизмат машиналаридан мутлоқ фойдаланмасдан таксидан фойдаланиш тўғрисида қарор қабул қилган эди. Ўзбекистонда эса ҳали бери амалдорлар хизмат машинасидан воз кечмайдиганга ўхшайди.
